عشر اشياء لازم تنتبه الهه قبل لاتشتري لابتوب مستعمل ( بالة )

1 - ماركة اللابتوب
لازم تكون الشركة المصنعة للابتوب معروفة
مثل ( دل , ايسر , اج بي , سامسونك , فوجيستو , لينوفو , توشيبا )
و النوعيات المحمودة و المجربه هي الدل و الايسر و الاج بي .
.
2 - قطع الغيار
تأكد من انه البطارية و الشاحنة و الدي في دي متوفرات بالسوك
لان اغلب لابتوبات البالة قطع غيارهن ما موجودة .
.
3 - الشاصي ‏‎smile‎‏ رمز تعبيري
تاكد من اللابتوب , ما مطخوخه او مفطوره او بيه كسر او ملعب .
.
4 - الواي فاي
كنك عل انترنت و تصفح الفيس , ابحث بكوكل
شوف الوايرلس خومو تفصل .
.
5 - الشاشة
تاكد من انه الشاشة ما بيهه
اي خط او طعن او كسر .
.
6 - الكيبورد و الباد
جرب كل مفاتيح الكيبورد و الباد ( الماوس ) .
.
7 - المنافذ
افحص كل المنافذ ( USB , HDMI , SATA , LAN )
و مخرج و مدخل الصوت ضروري تفحصه بهيد فون
و اذا جانت اكو منافذ اخرى هم افحصهه لان ممكن تكون
تالفة .
.
8 - الدي في دي
ضروري تفحص الدي في دي , دخل اي قرص و شغلة .
.
9 - الكاميرا و اللاقطة
شغل الكاميرا و اللاقطة (المايك) و افحصهن
لان ممكن يكونن تالفات , تره ضروريات بالمحادثة .
.
10 - السعر
اللابتوب مواصفاتهه تحدد سعرهه , اخذ مواصفاتهه
و اسأل اكثر من مكتب حاسبات عن سعر هيج لابتبوب ,
العادة انه يكون سعر اللابتوب المستعمل نصف سعر اللابتوب الجديد
+ 50 الف دينار , تقريباً ..
.
مثال
لابتوب باله نوعهه اج بي مواصفاتهه
حجم الشاشة : 15.6 بوصة
المعالج : Intel Core i5
الهارد : 1TB
الرام : 6GB
كارت الشاشة : 2GB nvidia خارجي
.
سعر اللابتوب الجديدة بهيج مواصفات 700 الف دينار
لذلك سعر اللابتوب المستعمل ( البالة ) هو نصف الـ ( 700 ) + 50 الف دينار
وهو 350 + 50 = 400 الف دينار تقريباً ..